الــــــــــــــــــــــــــــــــــــــــــــــــــــــــــــــى دجلة حبيبتي

دوّرينه بكل كتر بالدنيا وما لگينه.وكل باب نترجه مّنه الوفه الف مره عليه دگينه
وما تعبنه وابد .ابد ما ملينه.ندوّر على بيت الي يلم خوتنا الحنينه
خلصت حروف الكتابة ومن كثر البحث ضاجت ادينه..وكل مكان النمر بيه ما نلگنه الي متيهينه
وتالي شفنه بيت مثل بيت امنه وابونه.لمنه كلنا ونور علينه
هو هذا الذي مضيعينه .هو هذا الي نترجاه ويخيم علينه..عراقي من عدنا وبينه .
خيمة وبظلها خيمت علينه.من حر وبرد بحنية تغطينه
ومثل الذي مضيع طفل تالي لگاه .واهله بيه ما مصدگينه
كبرنا بيه وكبر بينا
شراع اجانه بوسط ريح وصرنه لشراعه السفينه
لمنة كلنة من الشمال وللجنوب سنة وشيعه. عربينه وكرد ينه
لگينه بيه الما لگيناه بالوطن.خوة متصافين مسلمنه ومسيحينه
اسمه دجله.من اسم امنا الحبيبه الوفت النه واحنا هم الها وفينه
ايد بايد مشيّنا السفينه
وشكثر ماروج البحر يعلى علينا. وياما من العواصف صادفينه
ما وگفتنا غيمة ولا عواصف گدرت تخوف سعينا.احنا وگفّنا الغيوم وللعواصف خوفينه
بيتنا دجله وما يطيح واحنه ولده مساندينه
بيتنا دجله وما يطيح واحنه ولده مساندينهِ