كوة اصبر الرووح ببعادك حبيبي
ولا تظن من بالي لحظة تزول
انه فكري وياك ياخذني ويردني
وابجي وحدي وليلي مايكصر يطول
كلبت اوراقي بلكت الكة رسمك
وما اخلي الدمع بعيوني يجول
ليش من ابتعد اتمنى اشوفك
ومن اشوفك اوكف كبالك خجول
كبرت الحسرة يغالي بوسط صدري
والهموم على الكلب صارن تلول
وفكرت انساك لكن مانسيت
بغيابك غصن وحل بيه الذبول
وتدري بية اشكد احبك
جان احمدت وشكرت ربك
كل عمري مغلوب اني وياك
لا عندي غش ولا امتعبك
ولو جنت امثل واكذب وياك
صدكني بلحظات اغلبك
عايف دروب الناس كلها
ومغمض اني امشي على دربك
حس بية واعرف حالتي اشلون
وشوف اشعلت بالكلب حبك
تتندم وعمرك ترة ايضيع
لو يوم تنطي لغيري كلبك
موخوفي بس اخسرك وتروح
خايف تحب غيري ويعذبك
وبآخر نفس لو كالوا اطلب
بس انتة من الله اطلبك
السبت مايو 24, 2008 2:06 am
