خواطر حبيبة

بوسة مِن خدودك ــــ تشفي الجروح
وبوسة إبعَسَل شفتك ماكو تمحيهة
يالوياك الكَلب والعكَل والروح
وحياتي وياك بأولهة وتاليهة
إذا إتمرضت للدكتور ما أروح
لأن إنتة العيادة وإنتة راعيهة
مو بَس دوة البوسة إبحوزتك يهواي
كل الأدوية ـــــــــ إبحِسنَك إمخلّيهة
كَلبك صيدلية وبي دوة إلكل داء
وكَلبي أمراض كل الكون حاويهة
مَفاصل ــ باطنية ــ وسكّرــ وقالون
وكلهة إبلمست إيدك ما أحِس بيهة
ولو مَرة تِعَبت وجَتني دوخت راس
ثِق ـــــــــ إبنظرة عيونك تهدّيهة
وإذا جَتني الكئآبة وعَبّست فَد يوم
ضحكتك كل حياتي إبفرح تمليهة
روحي إتريدك وما ترهَم إبليّاك
إشتتوقع نَفَس بَعدك يظل بيهة
ياهو الكَال أعوفك وأكَدر آني أنساك
وبيدك دوة جروحي ـــــ وإنتة شافيهة
طبيبي الخاص إنتة وما أفرّط بيك
وإذا اعوفك جروحي إبيش أداويهة
طبيبي الخاص إنتة وما أفرّط بيكوإذا اعوفك أمراضي من يداويهة